У сельгасарганізацыях Прыдрутчыны працягваецца ўборка зерневых і зернебабовых культур. Па стану на 8 жніўня ў гаспадарках раёна ўбрана 10 849 гектар хлебных ніў, што складае 72% ад агульнай плошчы пасеянага. Намалочана 36 127 тон пры сярэдняй ўраджайнасці 33, 3 цэнтнера з гектара. Самая высокая ўраджайнасць – 45,9 ц/га – ў СВК “Калгас “Радзіма”.
    У ліку перадавікоў жніва - экіпажы СВК “Калгас “Радзіма” у складзе Мікалая Дарэчкіна і Валянціна Якушава, Юрыя Зайцава і Ільі Дарэчкіна, Ігара Шчолухава і Васіля Лянькова, Аляксандра Міткевіча і Анатоля Зайцава, якія намалацілі адпаведна 1798, 1633, 1413 і 1268 тон збожжа і алейнага зерня рапсу. Добрыя вынікі працы паказалі камбайнеры СВК “Кудзін” Дзяніс Астаф’еў, Уладзімір Марозаў і Уладзіслаў Марозаў, СВК “Ількавічы” Андрэй Нікіцёнак, якія адпаведна дасягнулі намалоту ў 849, 730, 798 тон зерня. Лідэры ўборачнай у ААТ “Новая Друць” - экіпаж камбайнераў у складзе Уладзіміра Плехава і Сяргея Плехава і камбайнер Сяргей Музыкарэнка, якія намалацілі 734 і 709 тон збожжа.