Дзень беларускага пісьменства адзначылі жыхары і госці Быхава ў мінулую нядзелю. Сюды завіталі прадстаўнікі ўсіх гарадоў, дзе раней праходзіла ўрачыстасць. Шмат было і замежных гасцей.
    На свяце можна было пазнаёміцца з кніжнымі навінкамі, сустрэцца з айчыннымі і замежнымі пісьменнікамі, стаць сведкамі рэканструкцыі рыцарскага турніру і адкрыцця скульптуры, прысвечанай Баркулабаўскаму летапісу, набыць на памяць цікавыя сувеніры з розных рэгіёнаў краіны… Адным словам, арганізатары Дня беларускага пісьменства зрабілі ўсё магчымае, каб ён надоўга запомніўся і жыхарам і гасцям горада.