Падведзены вынікі раённага конкурсу на лепшы студэнцкі атрад “Працоўны семестр – 2013”.
Сёлета ў нашым раёне падчас летніх канікул шчыравалі 4 атрады. Сярод іх пераможцам прызнаны атрад “Квітнеючы горад”, у які ўвайшлі вучні школ Бялынічаў. Юныя студатрадаўцы пад кіраўніцтвам педагога-арганізатара ДУА “СШ №1 імя М.Пашкоўскага” Валянціны Краўцовай займаліся добраўпарадкаваннем і азеляненнем вуліц райцэнтра. За выдатную работу рабяты ўзнагароджаны Дыпломам і каштоўным падарункам ад аддзела ідэалагічнай работы, культуры і па справах моладзі райвыканкама.