У рамках круглагадовай спартакіяды сярод працоўных калектываў арганізацый, прадпрыемстваў і гаспадарак раёна на базе СШ №2 адбыўся турнір па настольным тэнісе. У выніку, пераможцай у агульнакамандным заліку стала дружына Бялыніцкага райспажыўтаварыства, на другую прыступку п’едэсталу гонару ўзняліся работнікі СВК “Калгас “Радзіма”, трэцім прызёрам прызнана каманда ПМК-83 “Водбуд”.
У асабістым першынстве сярод жанчын лепшымі майстармі малой ракеткі сталі Марына Шабусава, Святлана Вус, Валянціна Савельева, сярод мужчын – Дзмітрый Лаўрэнаў, Андрэй Долгі, Ягор Качанаў, Аляксей Галаўнёў, Юрый Долгі і Эдуард Іваноў.
Дарэчы, у пятніцу, 11 кастрычніка, а палове 18 гадзіны, у спартыўнай зале ФАК “Друць” пройдзе чарговы этап спартакіяды сярод кіруючага звяна арганізацый, прадпрыемстваў і гаспадарак раёна – спаборніцтвы па бадмінтоне.