Конкурс пакаленняў “Таленавітыя разам” прайшоў ў СШ №1 імя Пашкоўскага. Праводзіўся ён у рамках праекта раённага цэнтра сацыяльнага абслугоўвання насельніцтва і раённай арганізацыі БТЧК “Актыўныя разам”. У чарговы раз у цёплай сяброўскай атмасферы сабраліся дзеці з сем’яў, якія знаходзяцца ў сацыяльна небяспечным становішчы, і  валанцёры, члены клуба пажылых людзей “Мудрасць”.
 Напачатку прадстаўнікі маладога і старэйшага пакаленняў паўдзельнічалі ў псіхалагічных трэнінгах. Псіхолаг Цэнтра Галіна Іванюшава прапанавала дзецям і дарослым адправіцца ў падарожжа па незвычайных астравах і выбраць той, назва якога адпавядае іх эмацыянальнаму стану. Затым усіх чакалі цікавыя конкурсныя іспыты. Рабяты і пенсіянеры спаборнічалі ў вырабе арыгамі, складвалі меню да святочнага стала, адказвалі на пытанні віктарыны, спявалі песні.
У выніку, таленавітыя і актыўныя пакаленні святкавалі агульную перамогу.