Напярэдадні 90-годдзя са дня ўтварэння службы участковых інспектараў ў райаддзеле міліцыі адбыўся ўрачысты сход, на якім былі ўшанаваны лепшыя супрацоўнікі.
Першым свае віншаванні віноўнікам урачыстасці даслаў начальнік РАУС Юрый Сіманаў. Ён падзякаваў участковых раёна за стараннасць і ініцыятыву ў падтрыманні грамадскага парадку і пажадаў надалей годна і самааддана выконваць свой службовы абавязак.
Затым з прамовай да прысутных звярнуўся намеснік начальніка РАУС Дзмітрый Алянюк. Участковы інспектар міліцыі – прадстаўнік закона, да якога ў першую чаргу звяртаюцца па дапамогу грамадзяне, калі ў іх здарылася бяда. Гэтыя людзі ў пагонах заўсёды на перадавых пазіцыях барацьбы са злачыннасцю, заўжды на баявым пасту, - падкрэсліў Дзмітрый Васільевіч.      
Ад імя ветэранаў службы да сённяшніх супрацоўнікаў міліцыі звярнуўся Аляксандр Гагіеў. Ён пажадаў маладому пакаленню участковых інспектараў пераймаць станоўчы вопыт і традыцыі сваіх папярэднікаў, цярпення і ўвагі ў нялёгкай працы, і самае галоўнае – заўсёды вяртацца дадому, да родных і блізкіх.   
    З нагоды прафесійнага свята заслужаныя ўзнагароды атрымалі лепшыя супрацоўнікі РАУС. Так, Граматы ўпраўлення ўнутраных спраў аблвыканкама за добрасумленнае выкананне службовых абавязкаў удастоены ўчастковы інспектар міліцыі Андрэй Казлоў. Нагрудным знакам Міністэрства ўнутраных спраў Беларусі “За адзнаку” ўзнагароджаны старшы ўчастковы інспектар Сяргей Красоўскі. Званне маёр міліцыі прысвоена старшаму ўчастковаму інспектару Паўлу Хілько. Ганаровай граматай раённага Савета дэпутатаў за добрасумленнае выкананне службовых абавязкаў адзначаны старшы інспектар прафілактыкі аддзялення правапарадку і прафілактыкі Аляксандр Нізаўцоў. Апроч таго, у сувязі з 90-годдзем са дня ўтварэння службы кожны ўчастковы атрымаў нагрудны знак “Участковы інспектар міліцыі”.