“Азбука здаровага сэрца” – пад такой назвай на Бялыніччыне 27 і 28 лістапада пройдзе першая рэспубліканская медыка-асветніцкая каардыялагічная акцыя для дзяцей. У яе рамках на сустрэчу са школьнікамі раёна прыйдуць урачы, каб навучыць іх беражліва адносіцца да свайго здароўя і здароўя акружаючых. Спецыялісты растлумачаць, навошта неабходна весці здаровы лад жыцця, правільна харчавацца і болей рухацца. Апроч таго, у раённай паліклініцы па нумары 51-869 будзе працаваць тэлефон “гарачай лініі”.

Міністэрства аховы здароўя, па ініцыятыве якога і праводзіцца дадзеная акцыя, плануюць выдаць яркія брашуры, у якіх даступна будзе расказана і паказана, што дапамагае супрацьстаяць хваробам сэрца і сасудаў. Такая пільная ўвага да гэтай праблемы невыпадковая. Хваробы сістэмы кровазвароту – адна з самых вострых праблем многіх краін свету, у тым ліку і Беларусі. Вядома, што гэтыя паталогіі скарачаюць працягласць жыцця, з’яўляючыся асноўная прычынай інваліднасці, а таксама раптоўнай смерці. Разам з тым, многія бацькі, не кажучы ўжо аб дзецях, часта не ведаюць аб простых рэчах: залішняй вазе цела, цягі да курэння, малай фізічнай актыўнасці – гэтыя вядомыя фактары рызыкі, якія нярэдка фарміруюцца менавіта ў дзіцячым і падлеткавым узросце, а затым суправаджаюць чалавека ўсё жыццё.

          Сёння дзеці часта хварэюць “дарослымі” хваробамі”. Адной з актуальных праблем дзіцячай кардыялогіі з’яўляецца парушэнне сардэчнага рытму і артэрыяльная гіпертэнзія. За апошнія гады павялічылася колькасць хлопчыкаў і дзяўчынак, у якіх павышаны і высокі артэрыяльны ціск, - у нашай краіне іх налічваецца 72,  ўсе яны знаходзяцца пад наглядам дзіцячых кардыёлагаў.