У мінулую суботу спартыўная дэлегацыя нашага раёна прыняла ўдзел у 19-м міжгароднім спартыўным мемарыяле, прысвечаным памяці загінуўшых воінаў-афганцаў Кругляншчыны. Па добрай традыцыі ў Круглае прыбылі мацнейшыя аматары спорту з трох абласцей рэспублікі: Магілёўскай, Мінскай і Віцебскай. Спаборніцтвы праходзілі па 4-х відах спорту: валейболе, міні-футболе, шахматах і шашках. Нягледзячы на напружаную барацьбу, наша каманда выступіла даволі паспяхова. Так, у спаборніцтвах па валейболе бялынічане занялі ганаровае 2-е месца. Апроч таго, лепшым іграком прызнаны Сяргей Шут. У міні-футболе наша дружына стала 3-й. Прыз за лепшую гульню ўручаны Аляксандру Клешчанку. У спаборнітцвах па шахматах нашым землякам не хапіла толькі аднаго ачка, каб увайсці ў лік пераможцаў. Затое ў асабістых заліках бялыніцкія шахматысты ўвайшлі ў лік пераможцаў. У спаборнітцвах сярод жанчын Дыпломам 3-й ступені адзначана Святлана Кунцэвіч, сярод мужчын на другую прыступку п’едэсталу гонару ўзняўся Аляксей Краміч.