Напярэдадні святкавання Новага года прайшло значнае мерапрыемства для лепшых школьнікаў навучальных устаноў раёна – “Фабрыка зорак”, якой споўнілася 10 гадоў.
На ёй былі ўзнагароджаны ўдзельнікі прадметных алімпіяд сярод школьнікаў, спартсмены і калектывы мастацкай самадзейнасці, якія паказалі высокія вынікі як на раённым, так і абласным ўзроўнях.
На юбілейным свяце прысутнічалі ганаровыя госці – старшыня Бялыніцкага раённага выканаўчага камітэта  Мікалай Кадаценка, намеснік старшыні райвыканкама Надзея Серыкава, намеснік старшыні раённага Савета дэпутатаў Уладзімір Котаўзаслужаны майстар спорту Рэспублікі Беларусь, трохразовы прызёр чэмпіянатаў свету Валянціна Цыбульская і іншыя.
Таксама на святочным мерапрыемстве былі і тыя, без каго не заззялі б на небасхіле талентаў Прыдруцкага краю яркія зорочкі – бацькі, настаўнікі, ветэраны педагагічнай працы, кіраўнікі арганізацый раёна.
    На працягу 10 гадоў існавання “Фабрыкі зорок” у сямі намінацыях было ўзнагароджана больш за 2 тысячы навучэнцаў, творчыя калектывы, піянерскія дружыны, члены БРСМ, спартыўныя каманды. Заслужаныя ўзнагароды ў намінацыях “Стыпендыяты імя Героя Савецкага Саюза Мікалая Кітаева”, “Эрудыты”, “Разумнікі і разумніцы”, “Будзь гатоў”, “Марафон талентаў”, “Хутчэй. Вышэй. Мацней”, “Сюрпрыз” атрымалі прадстаўнікі ўсіх школ раёна. Школьнікі атрымалі грашовыя прэміі, дыпломы і салодкія падарункі.
Сярод рабят знайшлося нямала тых, хто дзякуючы свайму таленту і вялікім намаганням, атрымаў не адну ўзнагароду. Так, вучань Эсьмонскага комплексу Тапуноў Аляксандр атрымаў 3 узнагароды, вучні СШ №1 імя Пашкоўскага Марына Рашчукова і Іван Ісаенка, Вішоўская СШ Кузьмянкова Аліна і Ражкова  Вольга - па дзве.