23 сакавіка 2014 пройдуць выбары дэпутатаў у мясцовыя Саветы дэпутатаў 27 склікання. Нагадаем, што ў нашым раёне утворана 19 участкаў для галасавання па выбарах дэпутатаў у мясцовыя Саветы дэпутатаў, 5 з іх будуць размешчаны ў раённым цэнтры.
Зараз ідзе работа па вылучэнню прадстаўнікоў у склад участковых выбарчых камісій. Іх могуць вылучыць палітычныя партыі, грамадскія аб’яднанні, працоўныя калектывы і грамадзяне шляхам падачы заявы. Гэта можна зрабіць да 2 лютага 2014 года.
Паралельна з вылучэннем прадстаўнікоў у склад участковых выбарчых камісій праходзіць вылучэнне кандыдатаў у дэпутаты мясцовых Саветаў дэпутатаў, якое скончыцца 10 лютага. Кандыдатаў у дэпутаты могуць вылучыць палітычныя партыі, працоўныя калектывы і грамадзяне шляхам збору подпісаў.