22 студзеня на базе ФАК “Друць” праходзілі спаборніцтвы па дартсу сярод працоўных калектываў раёна. Удзел у іх прынялі 13 каманд.
У камандным заліку першае месца занялі прадстаўнікі аддзела адукацыі, спорту і турызму райвыканкама. На другую прыступку п’едыстала паднялася каманда цэнтральнай раённай бальніцы, а на трэцім месцы размясцілася зборная прафесійнага ліцэя №17.
Таксама былі вызначаны пераможцы ў асабістым першынстве. Так, сярод мужчын першае месца заняў Віктар Назараў з аддзела адукацыі, спорту і турызму, другое - Дзмітрый Кандрацьеў, які працуе ў раённым Цэнтры культуры, трэцяе - Уладзімір Ерашэнка з раёна электрасетак. У жаночым спаборніцтве на першай прыступцы п’едыстала апынулася Наталля Бурая з цэнтральнай раённай бальніцы, другое месца заняла Алеся Дзеравяшка з Жылкамгаса, а трэці рэзультат паказала Аліна Козырава з СВК “Ількавічы”.