У панядзелак прайшла другая пазачарговая сесія Бялыніцкага раённага Савета дэпутатаў 27 склікання.
На парадак дня было вынесена некалькі пытанняў: “Аб унясенні змяненняў у рашэнне Бялыніцкага раённага Савета дэпутатаў ад 26 снежня 2013 г. № 33-2 “Аб раённым бюджэце на 2014 год” ,“Аб прадастаўленні паляўнічых угоддзяў у арэнду”. Таксама былі абраны члены пастаянных камісій і іх старшыні. Так, старшынёй пастаяннай камісіі па пытаннях бюджэтна-фінансавай і эканамічнай палітыкі абраны Андрэй Саланінка, дэпутат па Хігрынскай выбарчай акрузе №12. Анатоль Драздоў, дэпутат па Запольскай выбарчай акрузе №29, стаў старшынёй утворанай пастаяннай камісіі па аграрных пытаннях, праблемах чарнобыльскай катастрофы, экалогіі і прыродакарыстання. Камісію ў складзе 6 чалавек па сацыяльных пытаннях узначаліла дэпутат па Беларускай выбарчай акрузе №2 Святлана Стукачова. Аляксандр Юшкевіч, дэпутат па Мічурынскай выбарчай акрузе №7, стаў старшынёй пастаяннай камісіі па пытаннях законнасці і правапарадку. Камісію па мандатах, дэпутатскай этыцы, мясцоваму кіраванню і самакіраванню, рэгламенту, сродках масавай інфармацыі і сувязі з грамадскімі аб’яднаннямі Бялыніцкага райсавета дэпутатаў 27 склікання ўзначаліў Аляксандр Ляўковіч, дэпутат па Ланькаўскай выбарчай акрузе №26.