У перыяд з 2 па 6 чэрвеня ў горадзе Магілеве праходзілі фінальныя спаборніцтвы па футболе сярод юнакоў 2000-2001 гадоў нараджэння на прызы клуба “Скураны мяч”.
Каманда шматпрофільнага цэнтра “Ветразь” пад кіраўніцтвам Сяргея Зайкоўскага, Сяргея Пласконнага і Аляксандра Клешчанка змагла абыграць каманды з Горак з лікам 5:0, з Чаус – 2:1. У фінальным паядынку з прадстаўнікамі зборнай горада Магілева бялыніцкія футбалісты атрымалі перамогу з лікам 3:0.
Такім чынам, каманда шматпрофільнага цэнтра “Ветразь” заняла першае месца ў абласных спаборніцтвах па футболе і будзе прадстаўляць Магілёўскую вобласць у фінале рэспубліканскіх спаборніцтваў.
На выніках гульні на абласным узроўні лепшымі ігракамі ў нашай камандзе сталі Уладзіслаў Лыско, Ігар Якімаў і Уладзіслаў Набокаў. Георгій Марушкін атрымаў прыз лепшага бамбардзіра турніру.