Дзень моладзі весела адзначылі жыхары Бялыніччыны ў апошнюю нядзелю чэрвеня. Гэта свята ў бягучым годзе супала з вельмі знамянальнай датай – 70-годдзем вызвалення Бялыніцкага раёна ад нямецка-фашысцкіх захопнікаў. Раённая грамадская арганізацыя “БРСМ” правяла акцыю пад назвай “Дарогамі воінскай славы”, якая прадугледжвала аўтапрабег па месцах пахавання ахвяр ВАВ. У лунным парку гарадскога паселка Бялынічы была пасаджана аллея кветак удзельнікамі аўтопрабегу. У парку-адпачынку “Ліпавы Гай” сабраліся ўсе тыя, хто не толькі малады ўзростам, але і душой.
Працягнула святкаванне цырымонія ўзнагароджвання лепшых маладых работнікаў Прыдрутчыны. Хлопцы і дзяўчаты адзін за адным падымаліся на сцэну, каб атрымаць заслужаныя ўзнагароды ад раённага выканаўчага камітэта, райкама ГА “БРСМ”, раённай арганізацыі Рэспубліканскага грамадскага аб’яднання “Белая Русь”, кіраўніцтва арганізацый, прадпрыемстваў і гаспадарак, у якіх шчыруюць.