У панядзелак на базе Бялыніцкага і Круглянскага раёнаў пад кіраўніцтвам старшыні Магілёўскага абласнога Савета дэпутатаў Анатоля Ісачанкі прайшло выязное пасяджэнне прэзідыума аблсавета дэпутатаў. Удзельнікі яго пазнаёміліся з ходам добраўпарадкавання гэтых раённых цэнтраў, абмеркавалі ролю актыву органаў тэрытарыяльнага грамадскага самакіравання па добраўпарадкаванні домаўладанняў і прыдомавых тэрыторый, а таксама юрыдычныя і практычныя аспекты рэалізацыі Указа Прэзідэнта Беларусі ад 23 лютага 2012 года № 100 «Аб мерах па ўдасканаленні ўліку і скарачэння колькасці пустуючых і трухлявых дамоў у сельскай мясцовасці». Таксама ў адпаведнасці з парадкам дня выязнога пасяджэння прэзідыума абласнога Савета дэпутатаў было разгледжана і пытанне аб паштовым абслугоўванні сельскага насельніцтва Магілёўскай вобласці.