У аўторак, 26 жніўня, у Лебядзянкаўскім сельсавеце прайшоў Дзень Савета. Такія мерапрыемствы ўжо прайшлі ў Вішоўскім і Цяхцінскім сельсаветах. На гэты раз увага была нададзена фарміраванню ў насельніцтва здаровага ладу жыцця.
Першы аб’ект, які наведала дэлегацыя з прадстаўнікоў арганізацый і прадпрыемстваў раёна, быў Свяцілавіцкі комлекс дзіцячы сад-сярэдняя школа. Начальнік аддзела адукацыі, спорту і турызму райвыканкама Андрэй Ганчук расказаў аб падрыхтоўцы аб’ектаў устаноў адукацыі да новага навучальнага года.
Удзельнікі наведалі школьны краязнаўчы музей і спартыўную пляцоўку аграгарадка Свяцілавічы, дзе ў гэты час падлеткі гулялі ў футбол. Трэба адзначыць, што на гэтай спартыўнай пляцоўцы ўжо не адзін год праводзяцца турніры сярод каманд населенных пунктаў раёна па розных відах спорту: футболу, валейболу, баскетболу. Побач размешчны гульневы дзіцячы комплекс, які быў устаноўлены Бялыніцкім БУКП “Жылкамгас”. Ен карыстаецца папулярнасцю сярод жыхароў і гасцей аграгарадка, асабліва ў маладых маці, якім ёсць куды прывесці свайго дзіцяці і адпачыць.
Тамара Гаранінава, загадчыца Свяцілавіцкага сельскага дома культуры, расказала пра работу гэтай установы.
Падводзячы вынікі Дня сельскага Савета, старшыня Бялыніцкага раённага Савета дэпутатаў  Аляксандр Асіпенак адзначыў, што работа па добраўпарадкаванню праводзіцца, і яе трэба працягваць.  Былі дадзены даручэнні дарожным службам, ААТ “Райаграпрамтэхзабеспячэнне”, сельвыканкаму, лясгасу, жылкамгасу, аддзелу ідэалагічнай работы, культуры і па справах моладзі. Таксама паступілі пытанні ад старастаў вёсак Краснае і Свяцілавічы. У першым  неабходна устанавіць накрыўку і люк, а ў Свяцілавічах арганізаваць прыпыначныя пункты аўтобуса Бялынічы-Барок.