У раённым мастацкім музеі В.К. Бялыніцкага-Бірулі адбылася выстава-продаж карцін нашай зямлячкі, знакамітай мастачкі Ларысы Журавовіч.
Арганізатары мерапрыемства стварылі добрыя ўмовы для таго, каб кіраўнікі і прадстаўнікі арганізацый Бялыніччыны, запрошаныя на яго, пажадалі ўнесці свой уклад у папаўненне фонду раённага мастацкага музея В.К. Бялыніцкага-Бірулі. На выставе прысутнічалі кіраўнікі такіх арганізацый, як ААТ “Бялыніцкі пратэінавы завод”, ААТ “Белаграпрамбанк”, ААТ “АББ Беларусбанк”, БУКП “Жылкамгас”, ДЛГУ “Лясгас”, СВК “Калгас “Радзіма”, ПМК-83 Водбуд, райста, прадпрымальнікі і іншыя госці. Яны не проста зацікаўлена азнаёміліся з работамі Ларысы Віктараўны, але і вырашылі набыць іх з мэтай папаўнення фонду раённага мастацкага музея.
Сама Ларыса Журавовіч падзякавала райвыканкаму, музею і гасцям за такі гонар, а таксама адзначыла важнасць таго факту, што карціны застануцца на яе малой Радзіме.