14 лістапада ў Магілёве адбыўся адборачны тур адкрытага музычнага конкурса “Русская песня”, заснавальнікам якога з’яўляецца грамадскае аб’яднанне “Русское культурно-просветительское общество”, на якім Бялыніцкі раён прадставіла юная салістка раеннага Цэнтра культуры Вікторыя Грыбкова з песняй “Кадриль”, мастацкі кіраўнік Таццяна Грыбкова. Танцавальная замалёўка да песні была выканана ўзорным харэаграфічным калектывам “Созвездие” РЦК, мастацкі кіраўнік Ірына Казімірская.

Намінацыя, у якой выступала Віка, была прадстаўлена 60 канкурсантамі, але наша юная зямлячка прадэманстравала добрыя вакальныя данныя, артыстызм, абаяльнасць і перамагла.

На гала-канцэрце пераможцаў конкурса Вікторыя Грыбкова была ўзнагароджана Дыпломам 1-й ступені і памятным падарункам.

Трэба дадаць, што гэта далека не першая ўзнагарода Вікторыі. У скарбонцы ўжо Дыплом лаурэата 2-й ступені IV Адкрытага конкурса пачынаючых спевакоў “Шлях к зоркам”, Дыплом лаурэата 2-й ступені V Адкрытага конкурса маладых выканаўцаў «Шаную цябе, Белая Русь», Дыплом лаурэата 2-й ступені Адкрытага конкурса маладых выканаўцаў “Марафон звезд – 2012”, Дыплом лаурэата 3-й ступені Міжнароднага конкурса-фестываля юных выканаўцаў народнай песні “Онежская волна”, Дыплом лаурэата 1-й ступені Міжнароднага фестываля песен нашага дзяцінства “Крылатые качели” і іншыя узнагароды.
Людміла Куранкова, метадыст РЦК