Традыцыйна на пачатку новага года падводзяцца вынікі папярэдняга, у тым ліку аглядаў, конкурсаў... На чарговым пасяджэнні райвыканкама зацверджаны пратакол пасяджэння раённай камісіі па падвядзенні вынікаў штогадовага агляду па добраўпарадкаванні машынных двароў і падрыхтаванасці рамонтна-абслугоўваючай базы сельгасарганізацый Бялыніччыны для работы ў зімовых умовах, па падрыхтоўцы машынна-трактарнага парку да чарговых веснавых палявых работ.
Пераможцам раённага агляду (першае месца) прызнаны СВК “Калгас “Радзіма”. Гаспадарка ўзнагароджваецца Дыпломам райвыканкама, грашовай прэміяй на суму 50 базавых велічыняў. СВК “Калгас “Радзіма” вылучаны таксама для ўдзелу ў адпаведным абласным аглядзе.
Другое месца прысуджана ААТ “Новая Друць”, трэцяе – ААТ “Бялыніцкае райагра-прамтэхзабеспячэнне”. Яны ўзнагароджаны дыпломамі райвыканкама і грашовымі прэміямі, адпаведна, па 40 і 30 базавых велічыняў.
У адпаведнасці з рашэннем райвыканкама прэміі накіроўваюцца на правядзенне работ па далейшым добраўпарадкаванні машынных двароў гаспадарак-пераможцаў раённага агляду.  
Дыпломы і грашовыя прэміі кіраўнікам СВК “Калгас “Радзіма”, ААТ “Новая Друць” і “Бялыніцкае райаграпрамтэхзабеспячэнне” старшыня райвыканкама Мікалай Кадаценка ўручыў на рабочай нарадзе 6 снежня.­



Міхась КАРПЕЧАНКА, «Зара над Друццю» ­