Лепшым саветам грамадскага пункта аховы парадку прызнаны адпаведны савет Машчаніцкага сельвыканкама. Яго члены за мінулы год на сваіх пасяджэннях у прафілактычных мэтах разгледзелі паводзіны 83 грамадзянаў.

Ганаровае званне “Лепшая добраахвотная дружына” прысвоена дружыне СВК “Калгас “Радзіма”. За мінулы год пры актыўным ўдзеле дружыннікаў сельгаспрадпрыемства былі выяўлены 7 адміністрацыйных парушэнняў, прыпынены 2 дробныя хуліганствы і раскрыта злачынства па лініі наркакантролю. Грашовай прэміяй адзначаны і камандзір дружыны Міхаіл Скусаў.
А лепшым дружыннікам 2014 года прызнаны камандзір добраахвотнай дружыны ПУП “Бялыніцкая аўтакалона” Віктар Кулік.
Пераможцы раённага агляду-конкурсу заахвочаны грашовымі прэміямі.