Сёння, напярэдадні Дня памяці воінаў-інтэрнацыяналістаў у райвыканкаме адбыўся традыцыйны ўрачысты прыём воінаў-“афганцаў” Бялыніччыны.
Старшыня райвыканкама Мікалай Кадаценка ўручыў Ганаровую грамату райвыканкама Яўгену Вараб’ёву.
Пасля віншаванняў ўдзельнікі мерапрыемства накіраваліся да мемарыялу воінам-“афганцам”, дзе  ўсклалі кветкі і ўшанавалі памяць загінулых землякоў хвілінай маўчання. ­
Дэлегацыя воінаў-“афганцаў” Бялыніччыны накіравалася ў Магілёў для ўдзелу ў XVII рэгіянальнай сустрэчы воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў.

­