Удзел у ім прынялі прадстаўнікі сельскагаспадарчых арганізацый Магілёўшчыны, сярод якіх і аператары машыннага даення нашага раёна. У тым ліку СВК “Калгас “Радзіма” прадстаўлялі Тамара Каралёва, Вольга Панцялеева і Таццяна Піманава, ААТ “ Новая Друць” – Таццяна Альшэўская. 
Праграма конкурсу складалася з 3 этапаў: “Візітная картка”, дзе каманды павінны былі прэзентаваць сваё спецадзенне і ўразіць журы творчымі здольнасцямі. Найбольш напружанай стала практычная частка, у якой удзельніцы дэманстравалі прафесіяналізм па даенні кароў на разнастайных відах абсталявання, а таксама ў зборцы і разборцы даільных апаратаў. Заключная, тэарэтычная, частка ўключала 110 пытанняў, якія датычыліся догляду за буйной рагатай жывёлай, у тым ліку арганізацыі іх кармлення, прафілактыкі і лячэння.
Па словах старшыні райкама прафсаюза работнікаў АПК Станіслава Бурко, на працягу ўсіх этапаў нашы жанчыны праяўлялі сябе сапраўднымі прафесіяналамі, энтузіястамі сваёй справы. Таму не выпадкова, што па выніках конкурсу наша каманда заняла ІІ другое месца ў этапе “Візітная картка”. На другую прыступку п’едэстала гонару сярод аператараў машыннага даення ва ўзросце да 31 года ўзнялася Таццяна Альшэўская. Дарэчы, у гаспадарцы за ёй замацаваны 59 кароў. За 5 месяцаў бягучага года яна надаіла амаль 250 тон малака, а надой ад 1 каровы дасягнуў 4 222 кг.
Вольга НАБОКАВА.