1 декабря
Медалём ЮНЕСКА “Віктор Гюго” ўзнагароджаны народны артыст СССР і Беларусі, наш зямляк Генадзь АЎСЯННІКАЎ
У апошні дзень восені ў Мінску медаль ЮНЕСКА “Віктор Гюго” ўпершыню быў уручаны вядомым дзеячам нацыянальнай культуры: народным артыстам СССР і Рэспублікі Беларусь Генадзю Аўсяннікаву, Тамары НІЖНІКАВАЙ, Расціславу ЯНКОЎСКАМУ.
Медалём "Віктор Гюго" дзеячаў культуры ўзнагароджваюць з 1985 года. Рашэнне ЮНЕСКА аб узнагароджанні трох беларускіх дзеячаў культуры гэтай высокай узнагародай сведчыць аб прызнанні і значнасці іх асабістай ролі па захаванні і развіцці нацыянальнай культуры, а таксама і аб высокім месцы беларускай культуры сярод культур свету.
Надзвычайны і Паўнамоцны Пасол Беларусі ў Францыі, пастаянны прадстаўнік Беларусі пры ЮНЕСКА Павел ЛАТУШКА адзначыў:
-Наша краіна багатая на гісторыю і культуру. Яе гісторыя складаецца з фактаў і падзей, але іх робяць канкрэтныя людзі, выключныя, таленавітыя, крэатыўныя, надзвычайныя і не надзвычайныя. Для мяне як для беларуса, як для грамадзяніна Беларусі, як для прадстаўніка Беларусі пры ЮНЕСКА вялікі гонар вітаць такіх выключных людзей. Тых людзей, якія фактычна сфарміравалі і сёння прадаўжаюць фарміраваць беларускую нацыянальную школу тэатральнага і музычнага мастацтва.
НАША ДАВЕДКА
Генадзь Сцяпанавіч Аўсяннікаў нарадзіўся ў 1935 годзе ў Магілёве, але дзяцінства і школьныя гады яго прайшлі ў Бялынічах. Тут ён далучыўся да мастацкай самадзейнасці, тэатральнай творчасці.
Скончыў Беларускі тэатральна-мастацкі інстытут, працуе ў Нацыянальным акадэмічным тэатры імя Я. Купалы. Сярод больш за сотню выкананых ім роляў адметны след пакінулі Пустарэвіч ("Паўлінка" Я. Купалы), Ермалаеў ("Апошняе спатканне" А. Галіна), Цярэшка ("Трыбунал" А. Макаёнка) і многія іншыя .
Лаўрэат Дзяржаўнай прэміі Беларусі, спецыяльнай прэміі Прэзідэнта Рэспублікі Беларусь, узнагароджаны ордэнам Францыска Скарыны.
Міхась КАРПЕЧАНКА, «Зара над Друццю»
Поделиться:
Медалём "Віктор Гюго" дзеячаў культуры ўзнагароджваюць з 1985 года. Рашэнне ЮНЕСКА аб узнагароджанні трох беларускіх дзеячаў культуры гэтай высокай узнагародай сведчыць аб прызнанні і значнасці іх асабістай ролі па захаванні і развіцці нацыянальнай культуры, а таксама і аб высокім месцы беларускай культуры сярод культур свету.
Надзвычайны і Паўнамоцны Пасол Беларусі ў Францыі, пастаянны прадстаўнік Беларусі пры ЮНЕСКА Павел ЛАТУШКА адзначыў:
-Наша краіна багатая на гісторыю і культуру. Яе гісторыя складаецца з фактаў і падзей, але іх робяць канкрэтныя людзі, выключныя, таленавітыя, крэатыўныя, надзвычайныя і не надзвычайныя. Для мяне як для беларуса, як для грамадзяніна Беларусі, як для прадстаўніка Беларусі пры ЮНЕСКА вялікі гонар вітаць такіх выключных людзей. Тых людзей, якія фактычна сфарміравалі і сёння прадаўжаюць фарміраваць беларускую нацыянальную школу тэатральнага і музычнага мастацтва.
НАША ДАВЕДКА
Генадзь Сцяпанавіч Аўсяннікаў нарадзіўся ў 1935 годзе ў Магілёве, але дзяцінства і школьныя гады яго прайшлі ў Бялынічах. Тут ён далучыўся да мастацкай самадзейнасці, тэатральнай творчасці.
Скончыў Беларускі тэатральна-мастацкі інстытут, працуе ў Нацыянальным акадэмічным тэатры імя Я. Купалы. Сярод больш за сотню выкананых ім роляў адметны след пакінулі Пустарэвіч ("Паўлінка" Я. Купалы), Ермалаеў ("Апошняе спатканне" А. Галіна), Цярэшка ("Трыбунал" А. Макаёнка) і многія іншыя .
Лаўрэат Дзяржаўнай прэміі Беларусі, спецыяльнай прэміі Прэзідэнта Рэспублікі Беларусь, узнагароджаны ордэнам Францыска Скарыны.
Міхась КАРПЕЧАНКА, «Зара над Друццю»