Першыя арганізацыйныя пасяджэнні камісій па выбарах дэпутатаў Палаты прадстаўнікоў Нацыянальнага сходу Рэспублікі Беларусь шостага склікання прайшлі ў сераду на ўсіх 18 участках для галасавання Бялыніцкага раёна. У кожнай камісіі з ліку яе членаў былі выбраны старшыня, яго намеснік і сакратар, абмеркаваны іншыя арганізацыйныя пытанні.
На дадзеным этапе выбарчай кампаніі члены камісій прыступяць да працы са спісамі выбаршчыкаў.
— Менавіта ад іх зла-джанай працы і добрасумленнага выканання сваіх паўнамоцтваў залежыць дасведчанасць грамадзян аб выбарах і ўдзел у галасаванні, — падкрэсліла начальнік аддзела арганізацыйна-кадравай работы райвыканкама Ала ГАПЕЕВА. – Згодна скарэкціраваных спісаў жыхарам нашага раёна будуць накіраваны запрашэнні паўдзель-нічаць у галасаванні ў дзень выбараў, 11 ве-расня. Дарэчы, пачынаючы з 26 жніўня кожны выбаршчык можа звярнуцца на свой участак для галасавання і ўдакладніць наяўнасць свайго прозвішча ў спісе.
Вольга НАБОКАВА.
Фота аўтара.