Трое прадстаўнікоў Бялыніччыны прымалі ўдзел у вучэбных зборах па абслугоўванні ваеннай тэхнікі і іншых матэрыяльных сродкаў, якія праводзіліся ў Барысаве на базе 72 аб’яднанага вучэбнага цэнтра падрыхтоўкі прапаршчыкаў і іншых спецыялістаў.
Яны займаліся падрыхтоўкай і тэхнічным абслугоўваннем ваенных машын, ставілі спецтэхніку на захаванне. Утраіх прывялі ў належную гатоўнасць 11 ваенных машын.
Камандаванне в/ч 20193 адзначыла Аляксея ЛАРКІНА граматай, а Дзмітрыя МАРГУНОВА і Леаніда ЯЎСЕЕНКУ падзячнымі лістамі. Раённы ваенны камісар Алег ДЗЯМЕШЧАНКА таксама павіншаваў хлопцаў з заслужанымі ўзнагародамі і пажадаў ім поспехаў не толькі ў вайсковай справе, але і ў мірнай стваральнай працы.
Святлана МАГІЛЕЎЧЫК.
Фота аўтара.