У малай зале РЦК сабраліся работнікі раённага аддзела па надзвычайных сітуацыях, іх родныя і блізкія, ветэраны МНС, а таксама ганаровыя госці – прадстаўнікі раённай улады і сілавых ведамстваў.

Са словамі віншавання да прысутных звярнуўся начальнік РАНС Віталь ВОРАНАЎ. Ён расказаў таксама пра значную працу, праведзеную калектывам райаддзела за мінулы год. Улічваючы тое, што надзвычайныя сітуацыі прыроднага і тэхнагеннага характару  па-ранейшаму ўзнікаюць, супрацоўнікі МНС застаюцца незаменнымі пры выратаванні людзей на пажарах, у час паводак, ДТЗ і іншых здарэнняў.

– Паспяховае выкананне нашых абавязкаў немагчыма без цеснай узаемасувязі з органамі мясцовай улады, працоўнымі калектывамі, актывістамі ГА “БРСМ”, журналістамі райгазеты, – адзначыў Віталь Валянцінавіч.

Асаблівую падзяку Віталь Воранаў выказаў ветэранам МНС, многія з якіх і сёння перадаюць свой бясцэнны вопыт маладому пакаленню, падзякаваў асабістаму складу аддзела за добрасумленную працу і ўручыў заслужаныя ўзнагароды.

Нагрудным знакам МНС “Выдатнік” узнагароджаны вадзіцель Віктар КАРАЛЁНАК, Ганаровай граматай МНС – намеснік начальніка па ідэалагічнай рабоце і кадравым забеспячэнні Кацярына СЯЛІЦКАЯ, Граматай МНС – начальнік ПАВП № 14 Дзмітрый БАРАНАЎ.

Ганаровай граматай абласнога ўпраўлення МНС адзначаны старшына групы матэрыяльна-тэхнічнага забеспячэння і абслугоўвання Павел ЛАХТАНАЎ, граматамі АУ МНС — вадзіцель ПАВП № 11 Міхаіл     РАДОЎСКІ і вадзіцель ПАВП № 15 Генадзь ЦАЛАВАЛЬНІКАЎ. Грашовыя прэміі  атрымалі камандзіры аддзяленняў ПАВП Яўген ШУТАЎ, Станіслаў МЯДЗВЕДЗЕЎ, Уладзімір КАЛІСТРАТАЎ і Мікалай АГАРОДНІКАЎ, вадзіцель ПАВП № 1 Аляксандр САЎКІН.

– Дзякуючы добрасумленнай працы выратавальнікаў жыхары раёна адчуваюць сябе ў бяспецы. Яны ведаюць, што ў выпадку непрадбачанай надзвычайнай сітуацыі вы заўсёды прыйдзеце на дапамогу, – адзначыў у сваім віншавальным звароце намеснік старшыні райвыканкама Дзмітрый ДАВЫДАЎ.

Ён уручыў Ганаровую грамату райвыканкама першаму намесніку начальніка РАНС Аляксандру САДОЎСКАМУ.

Загадам райаддзела па надзвычайных сітуацыях за ўзорнае выкананне службовых абавязкаў, ініцыятыву і высокую эфектыўнасць працы падзяка была аб’яўлена вадзіцелю ПАВП № 15 Мікалаю ГАРБАЧУ.

Нагрудным юбілейным знакам “15 гадоў Беларускай грамадскай арганізацыі ветэранаў органаў і падраздзяленняў па надзвычайных сітуацыях “Выратавальнік” узнагароджаны старшыня раённага аддзялення ГА Станіслаў БУРКО і сакратар Юрый ЯНКОЎСКІ.

На працягу мерапрыемства са сцэны гучалі музычныя падарункі ў выкананні работнікаў устаноў культуры, душэўныя песні выканалі жонка выратавальніка Галіна ШЧУРАКОВА і ветэран службы Станіслаў Бурко.