У рамках адзінага дня інфармавання насельніцтва міністр будаўніцтва і архітэктуры Беларусі Анатоль ЧОРНЫ наведаў Бялынічы і сустрэўся з калектывам ПМК-241.
Міністр пазнаёміўся з вытворчай базай прадпрыемства, адзначыў высокую культуру вытворчасці і добраўпарадкаванне прылеглай тэрыторыі.
Выступаючы перад будаўнікамі, Анатоль Чорны выказаў упэўненасць, што дзякуючы прафесіяналізму, высокай кваліфікацыі і працавітасці калектыву ПМК-241 па плячы справіцца з усімі пастаўленымі задачамі.