­­­На базе ФАКу “Друць” прайшла спартакіяда сярод прафсаюзных пярвічак раённай арганізацыі прафсаюза работнікаў дзяржаўных і іншых устаноў.
У спаборніцтвах прынялі ўдзел сем каманд: райвыканкама, РЦСАН, прадстаўніцтва РУСП “Белдзяржстрах” па Бялыніцкім раёне, раённага аддзялення Дэпартамента аховы, РАУС, рэдакцыі раённай газеты “Зара над Друццю” і дома-інтэрната для састарэлых і інвалідаў.
Удзельнікаў віталі старшыня раённага аб’яднання арганізацый прафсаюзаў, якія ўваходзяць у ФПБ, Святлана ПАТАПЧЫК, старшыня райкама прафсаюза работнікаў дзяржаўных і іншых устаноў Лідзія ЦАПІКАВА, намеснік старшыні раённай арганізацыі РГА “Белая Русь” Алена ЯРМОЛЕНКА, загадчык сектара спорту і турызму райвыканкама Васіль КРАЎЦОЎ, галоўны спецыяліст аддзела ідэалагічнай работы, культуры і па справах моладзі райвыканкама Ірына БЕЛЯЎЦЭВА.
Спаборніцтвы праходзілі па 5 відах спорту: плаванне, дартс, настольны тэніс, шашкі і скачкі на скакалцы, а таксама агульнакамандныя скачкі праз канат.
Кожная з каманд атрымала перамогу ў адным або некалькіх відах спаборніцтваў, за што была адзначана не толькі агульнымі, але і індывідуальнымі ўзнагародамі. У агульнака­мандным заліку перамогу атрымала каманда Белдзяржстраху. Граматы і прызы  за першыя месцы ў індывідуальным заліку заслужылі: дартс – Аляксандр ЛЯЎКОВІЧ (райвыканкам), шашкі – Уладзімір АНДРЫБАЙЛАЎ (Белдзяржстрах),  плаванне – Алена КОТАСАВА (райвыканкам), настольны тэніс – Надзея МАКЕЕВА (аддзяленне Дэпартамента аховы), настольны тэніс – Дзмітрый КАРПІКАЎ (райвыканкам), скачкі на скакалцы – Святлана МАГІЛЕЎЧЫК (рэдакцыя раённай газеты “Зара над Друццю”).
Але самае  галоўнае – удзельнікі спартакіяды атрымалі зарад бадзёрасці і пазітыву.

Аліна ЦЫГАНІЙ.
Фота аўтара,
Святланы МАГІЛЕЎЧЫК і Ірыны БЕЛЯЎЦЭВАЙ.