За тым, як распачалася ўборка “зялёнага” ўраджаю ў СВК “Калгас “Радзіма”, назірала карэспандэнт “Зары над Друццю”.

Адным са спосабаў, якія дазваляюць атрымліваць корм высокай якасці з нізкімі стратамі пажыўных рэчываў, з’яўляецца ўборка травы на сянаж. І, як лічаць спецыялісты, пачатак чэрвеня – той самы час, калі трава набірае найбольшую пажыўную каштоўнасць. Шматгадовыя травы ў СВК “Калгас “Радзіма” пачалі ўбіраць паблізу аг. Вішоў. Непадалёку ад МТФ новы ўраджай закладваюць у сянажныя траншэі. Водарам свежаскошанай травы напоўнена ўсё навокал.

– Сёлета травастой добры, надвор’е паспрыяла – прайшлі багатыя дажджы, – распавёў галоўны аграном гаспадаркі Аляксандр ЛЕЙБУЦІН. – Нарыхтоўка сенажу вядзецца па адладжанай сістэме. Неабходныя тэхнічныя сродкі, як заўсёды, былі падрыхтаваны загадзя, каб нарыхтоўку кармоў весці ў комплексе. Усяго шматгадовых траў, якія прызначаны на кармавыя мэты, у гаспадарцы было пасеяна каля 500 гектараў, а таксама трэба ўбраць 1300 га палепшаных лугавых угоддзяў. Зараз на нарыхтоўцы сенажу заняты два “Ягуары”, на якіх працуюць механізатары Александр МІТКЕВІЧ і Іван КАЗАКОЎ. Адвозяць зялёную масу два звяны, у якіх за-дзейнічаны больш за 15 адзінак транспарту. Трамбоўку сенажу выконваюць Уладзімір МАЗОК і Уладзімір ЛЯНЕЎСКІ. За першыя дні новага кормаўборачнага перыяду ў СВК  “Калгас “Радзіма” скасілі больш за 300 га шматгадовых траў. Нарыхтавалі каля 3 тысяч тон сенажу, а таксама больш за 400 тон кармоў у поліэтыленавай плёнцы.

­

Аліна ЦЫГАНІЙ.

Фота аўтара.­

zara.by