Жніво на Бялыніччыне плаўна набліжаецца да свайго завяршэння. У некаторых гаспадарках засталося ўбраць апошнія гектары плошчаў збожжавых культур.

Некалькі непагодлівых дзён прадаставілі хлебаробам вымушаную перадышку, але гэта самы час для працаўнікоў хлебнай нівы атрымаць заслужаныя ўзнагароды.

Учора старшыня райвыканкама Васіль ЗАХАРЭНКА, яго намеснік-начальнік упраўлення па сельскай гаспадарцы і харчаванні Міхаіл ДЗЯМІДАЎ, а таксама старшыня райкама прафсаюза работнікаў АПК Алена СНЫТКО завіталі ў ААТ “Аграсэрвіс”, каб павіншаваць чарговых “тысячнікаў” – камбайнера Івана ­ДЗЕРАШАВА і Уладзіміра БАБЧУКА.

­

Шчырыя словы падзякі за працу выказаў Васіль Захарэнка. Ён распавёў аб ходзе ўборачнай кампаніі ў раёне і адзначыў, што сёлетняе жніво багата на “тысячнікаў” і ў кожнай гаспадарцы ёсць дастойныя вынікі і дастойныя працаўнікі. Затым Васіль Аляксеевіч уручыў перадавікам падзякі, вымпелы і грашовыя прэміі райкама прафсаюза работнікаў АПК.

Міхаіл Дзямідаў уручыў прафсаюзныя падзякі і падарункі трактарыстам-машыністам Андрэю ЧАЙЦЫ, Сяргею БАГАТыРОВУ, Сяргею МАРЧУКУ, Максіму і Аляксею ЦВЫРАМ, якія вызначыліся на нарыхтоўцы травяных кармоў першага ўкосу.

Святлана МАГІЛЕЎЧЫК.
Фота аўтара.

zara,by