Пракуратура раёна падтрымала ў судзе дзяржаўнае абвінавачанне па крымінальнай справе ў дачыненні да жыхара раёна Л.

Бялынічанін публічна абразіў дзеючага Прэзідэнта краіны, пакінуўшы на сваёй старонцы ў сацсетцы «Укантакце» зневажальны і дыскрэдытуючы пост.

На судзе мужчына растлумачыў, што да гэтага прачытаў артыкул пра Прэзідэнта і каментарыі іншых карыстальнікаў у групах у «Тэлеграме», паддаўся эмоцыям і пакінуў сваё абразлівае меркаванне ў адрас Кіраўніка дзяржавы, размясціўшы абразлівы калаж, створаны пры дапамозе фоташопа, на сцяне старонкі Укантакце. Грамадзянін Л. прызнаў, што сваімі дзеяннямі публічна абразіў дзеючага Прэзідэнта.

За названыя дзеянні суд прыгаварыў мужчыну да аднаго года пазбаўлення волі з накіраваннем у выпраўленчую ўстанову ва ўмовах агульнага рэжыму. Тэлефон, з якога ён выстаўляў пост, канфіскаваны ў даход дзяржавы.

Звяртаючыся да тых, хто ўсё яшчэ лічыць, што інтэрнэт – гэта месца, дзе можна беспакаранна праяўляць «смеласць», абражаючы пры гэтым незнаёмых людзей або прадстаўнікоў органаў улады, нагадваем: выстаўленыя ў сацыяльных сетках у інтэрнэце запісы абразлівай накіраванасці ці калі яны ўтрымліваюць кантэнт, прызнаны экстрымісцкім, будуць карацца згодна дзеючага заканадаўства. Памятайце, што віртуальныя дзеянні могуць скончыцца рэальным тэрмінам у месцах пазбаўлення волі!

Пракуратура Бялыніцкага раёна.

zara.by

Поделиться: