У мінулую суботу ў Магілёве падвялі вынікі абласнога этапа конкурсу “Настаўнік года-2012”.  
Цэлы тыдзень 17 канкурсантаў, пераможцаў аналагічных раённых спаборніцтваў, адказвалі на пытанні па педагогіцы, псіхалогіі, праводзілі ўрокі ў незнаёмых класах, дэманстравалі свае творчыя здольнасці.
У выніку, настаўніца рускай мовы і літаратуры ДУА “Сярэдняя школа № 2 г.п. Бялынічы” Валянціна Атрошкіна заняла другое месца.
Цяпер яна рыхтуецца для таго, каб дастойна выступіць на рэспубліканскім этапе конкурсу “Настаўнік года-2012”. Пажадаем Валянціне Ягораўне перамогі ў ім.
(Маргарыта ДУДАЛЬ ,“Зара над Друццю”)

Поделиться: