20 красавіка ў райцэнтры пройдзе гала-канцэрт чацвёртага міжрэгіянальнага фестывалю песні “Залатая мелодыя”.
Ідэя аб правядзенні фестывалю нарадзілася на Бялыніччыне, а заснавальнікам яго стаў былы дырэктар РЦК Валянцін Скугараў.  
Сёлета традыцыйны фестываль распачаўся ў горадзе Крупкі Мінскай вобласці, затым прадоўжыўся ў Талочыне і Клічаве, а завершыцца ў нашым раёне.
Прыдруцкі край на “Залатой мелодыі” прадстаўляюць вакальны ансамбль настаўнікаў дзіцячай школы мастацтваў “Нюанс”, а таксама салісты Алена Кандрашонак і Юрый Дзеравяшкін.