У Магілёве прайшла спартакіяда сярод работнікаў устаноў аховы здароўя вобласці. Удзел у ёй прынялі 18 каманд, у тым ліку і дружына супрацоўнікаў Бялыніцкай цэнтральнай раённай бальніцы. Спаборнічалі яны ў шматлікіх відах спорту: валейболе, плаванні, гіравым спорце, настольным тэнісе, дартсу і шматбор’і.
У выніку, нашы медыцынскія работнікі занялі ганаровае трэцяе месца. Добрых вынікаў дасягнулі бялынічане і ў асабістым першынстве. Да прыкладу, намеснік галоўнага ўрача Аляксандр Янушкевіч стаў першым у плаванні.