На днях у небе над Мінскам жыхары і госці сталіцы назіралі сапраўдныя паветраныя баталіі: на базе рэспубліканскага цэнтра тэхнічнай творчасці навуцэнцаў праходзілі адкрытыя рэспубліканскія спаборніцтвы па авіяспорце “Авіяхобі – 2012” у класах мадэляў паветранага бою.
Удзел у спаборніцтвах прымалі 26 навучэнцаў да 18 гадоў з розных куткоў Беларусі, у тым ліку і з Бялынічаў.
Уладальнікам першага месца ў класе F-2B стаў выхаванец шматпрофільнага цэнтра “Ветразь” Улад Марозаў. На другім месцы таксама пілот з нашага райцэнтра – Яўген Рудак.