Вечар стаў заключным этапам раеннага конкурса мастацкага чытання, прысвечанага 130-годдзю з дня нараджэння Я.Купалы, Я.Коласа і 100-годдзю з дня нараджэння М.Танка, у якім прынялі ўдзел больш за трыццаць удзельнікаў рознага ўзросту, але аб’яднаных адным пачуццем – любоўю да творчасці класікаў беларускай літаратуры, да роднай мовы.
Падчас вечарыны прагучалі вершы Янкі Купалы, Якуба Коласа, Максіма Танка, а таксама песні, напісаныя на творы паэтаў. Шчырымі апладысментамі сустракалі гледачы таленавітых дэкламатараў, удзельнікаў раённага агляду-конкурсу.
Кожны канкурсант стараўся паказаць не толькі веданне твораў класікаў нашай літаратуры, але і інтэрпрэтаваць аўтарскія перажыванне і пазіцыю. Творчае спаборніцтва стала сапраўдным святам паэзіі.
Падчас сустрэчы адбылася цырымонія ўзнагароджвання лепшых дэкламатараў. Так, пераможцамі сталі Яна Ігнатовіч,  Вольга Ліфпуць, Людміла Юрэвіч і Аляксандр Мальцаў, якія прадстаўлялі адпаведна Запольскі, Галоўчынскі, Цяхцінскі і Лебядзянкаўскі сельскія дамы культуры. Таксама лепшым прызнаны драматычны калектыў Свяцілавіцкага сельскага цэнтра культуры. Пераможцы, а таксама канкурсанты, якія сталі другімі і трэцімі прызёрамі, узнагароджаны дыпломамі. Акрамя таго, у намінацыі “Літаратурна-музычная кампазіцыя” дыпломам другой ступені адзначаны калектывы Ланькаўскага цэнтра культуры і вольнага часу і мясцовай сельскай бібліятэкі. Трэцяе месца ў адпаведнай намінацыі прысуджана калектывам Кудзінскага сельскага дома культуры і мясцовай бібліятэцы, а таксама калектыву Вішоўскага цэнтра культуры і вольнага часу.