Версия для печати
Па інфармацыі раённага аддзела ЗАГС, за 8 месяцаў бягучага года ў Прыдруцкім краі нарадзіліся 172 дзіця. За аналагічны перыяд мінулага года на свет з’явілася 166 «кветачак жыцця».
Кірмаш «Добры дзень, восень!» разгарнецца ў гэту нядзелю на пляцоўцы каля РЦК. Прадукцыю ўласнай вытворчасці тут будуць рэалізоўваць сельгасарганізацыі Бялыніччыны, раённае спажывецкае таварыства, прафесійны ліцэй № 17.
Уборка кукурузы працягваецца ў сельгасарганізацыях Бялыніччыны. Па інфармацыі ўпраўлення сельскай гаспадаркі і харчавання райвыканкама па стану на 4 верасня ўбрана 682 гектары, што складае каля 12 працэнтаў ад агульнай плошчы пасеваў. Сярэдняя ўраджайнасць – 281 цэнтнер з гектара.
Напярэдадні новага навучальнага года выхаванцы ДУА “Бялыніцкая дапаможная школа-інтэрнат для дзяцей-сірот і дзяцей, якія засталіся без апекі бацькоў” абнавілі свой школьны гардэроб. Такую дапамогу ім аказалі індывідуальныя прадпрымальнікі Магілёва.
