Версия для печати
Сталі вядомы імёны пераможцаў першынства раёна па валейболе памяці Героя Савецкага Саюза Леаніда Лорчанкі. На працягу тыдня аматары гэтага віду спорту на пляцоўцы ФАК “Друць” правялі нямала відовішчных і напруджаных гульняў.
Адным з любімых святаў бялынічан з’яўляецца Масленіца. Яна спалучае ў сабе шмат цікавых абрадаў, якія ўслаўляюць прыход вясны. Згодна традыцыі, ганаровае месца на святочным стале займаюць малочныя стравы і бліны. Нездарма Масленіца атрымала ў дадатак такія назвы як Блінніца, Малочны тыдзень, Маслаед…
Адкрытыя рэспубліканскія спаборніцтвы па лёгкай атлетыцы прайшлі напрыканцы мінулага тыдня ў Магілёве. На базе спартыўнага комплексу “Алімпіец” лёгкаатлеты 1998-1999 гадоў нараджэння з усіх рэгіёнаў Беларусі памераліся сіламі ў скачках ў даўжыню і вышыню, бегавых дысцыплінах і іншых відах.
Дэкада бяспекі па прафілактыцы дзіцячага дарожна-транспартнага траўматызму праходзіць на Бялыніччыне. Праводзіцца яна дзеля папярэджвання дарожна-транспартных здарэнняў з удзелам дзяцей і ў сувязі з надыходзячымі вясновымі канікуламі.
Падведзены вынікі абласнога агляду-конкурсу на лепшы сельскі падворак маладой сям’і. Бялыніцкі раён у сёлетнім спаборніцтве прадстаўляла сям’я Астаф’евых з вёскі Каліноўка Цяхцінскага сельсавета.
Па інфармацыі аддзела статыстыкі сельскай, лясной гаспадаркі і навакольнага асяроддзя Галоўнага статыстычнага ўпраўлення Магілёўскай вобласці, за пяць месяцаў зімовага стойлівага перыяду ўтрымання жывёлы сельгасарганізацыямі Бялыніцкага раёна атрымана 17,2 тыс. тон малака, што на 2,1 % больш, чым за аналагічны перыяд папярэдняга года.
Шашкі – старажытная настольная гульня. Але і ў наш час яна карыстаецца папулярнасцю. Аб гэтым сведчаць вынікі круглагадовай спартакіяды сярод працоўных калектываў арганізацый, гаспадарак, прадпрыемстваў і ўстаноў Бялыніччыны, якія не так даўно прайшлі па гэтым відзе спорту.
