У РАУС стала добрай традыцыяй віншаваць са знакавымі святамі заслужаных супрацоўнікаў.
    Шмат цёплых слоў днямі прагучала на адрас Юрыя ВАЙТОВІЧА, які больш за 20 гадоў служыў у райаддзеле міліцыі і зараз знаходзіцца на заслужаным адпачынку.
    З нагоды юбілею Юрыя Пятровіча запрасілі ў сцены роднай установы. Там ва ўрачыстай абстаноўцы начальнік штаба РАУС Дзмітрый ІГНАТОВІЧ і старшыня савета раённай пярвічнай арганізацыі ветэранаў Аляксандр ЮШКЕВІЧ уручылі юбіляру прывітальны а­драс  і падарункі ад РАУС і абласной арганізацыі ветэранаў АУС і УС. Таксама шчырыя словы віншаванняў і кветкі падарылі Юрыю Вайтовічу былыя калегі.