Каля васьмідзесяці чалавек, у іх ліку школьнікі, ліцэісты, працаўнікі арганізацый, устаноў, прадпрыемстваў Прыдруцкага краю пераадолелі дыстанцыю амаль у два кіламетры і фінішыравалі каля Алеі Герояў.
У выніку, у першай падгрупе (тут выступалі рабяты ва ўзросце да 18 гадоў) сярод дзяўчат не было роўных Вользе Зайцавай, у кроку ад яе спынілася Дар’я Пузырэўская, трэцяе месца заняла Ірына Капусціна.
Сярод хлопцаў першым пераадолеў фінішную прамую Аляксандр Скобелеў, на другую і трэцюю прыступкі п’едэстала гонару ўзняліся Эдуард Ермалаеў і Алег Кірэеў.
У другой падгрупе сярод жанчын “золата” заваявала Яніна Харытонава, “срэбра” – Марыя Глінко, “бронзу” – Аліна Прышчэпава. Сярод мужчын самымі хуткімі сталі Пётр Старалаўнікаў, Дзмітрый Гумар і Віктар Назараў.
Пераможцаў і прызёраў узнагародзіла намеснік старшыні райвыканкама Надзея Серыкава.
 Аматары спорту пакідалі Ліпавы Гай у цудоўным настроі.

Маргарыта Дудаль, “Зара над Друццю”