Раённая арганізацыя грамадскага аб’яднання “Беларускі фонд міру” з’яўляецца ініцыятарам шматлікіх дабрачынных мерапрыемстваў. Напярэдадні выпускнога балю прайшла чарговая акцыя.
Старшыня РА ГА “Беларускі фонд міру” Надзея Серыкава, начальнікі аддзелаў адукацыі і ідэалагічнай работы райвыканкама Лідзія Шчацінка і Ірына Фурсава наведалі 15 адзінаццацікласнікаў Прыдруцкага краю і ўручылі кожнаму з іх матэрыяльную дапамогу ў памеры 200 тысяч рублёў. Рабяты таксама атрымалі і салодкія падарункі, якія прадаставілі мясцовыя прадпрымальнікі: УГУП “Раман Плюс” і “Верас Плюс К”, Вольга Кузняцова і Галіна Лысава.