Вечар ушанавання сямейных пар «Срэбныя званы» адбыўся ў раённым аддзеле ЗАГС. Ладзіцца мерапрыемства штогод па ініцыятыве работнікаў цэнтральнай раённай бібліятэкі.
Сёлета ва ўрачыстай абстаноўцы 25-годдзе сумеснага жыцця адзначылі два сямейныя саюзы: Вячаслава Рыгоравіча і Святланы Мікалаеўны Бурых і Уладзіміра Пятровіча і Ліліі Віктараўны Лахцікавых.
Напачатку вядучыя пазнаёмілі юбіляраў з гісторыяй жыцця Святых заступнікаў сям’і і шлюбу Пятра і Февроніі і з традыцыямі святкавання «срэбнага вяселля». Затым удзельнікі вечарыны падзяліліся ўспамінамі аб сваіх днях рэгістрацыі шлюбу. Цудоўны настрой у прысутных стварылі музычныя нумары ў выкананні артыстаў РЦК. У завяршэнні мерапрыемства сямейныя пары атрымалі памятныя медалі, пакінулі подпісы ў кнізе ганаровых юбіляраў і закружыліся ў лёгкім вальсе.