На базе аддзялення дзённага знаходжання для інвалідаў ЦСАН арганізавана работа летняга аздараўленчага лагера «Возера Надзеі». Для людзей з абмежаванымі магчымасцямі распрацаваны комплекс мерапрыемстваў, сярод якіх пазнавальныя экскурсіі, ролевыя гульні, заняткі...
Спецыялісты аддзялення сумесна з кіраўніцтвам Цэнтра карэкцыйна-развіваючага навучання і рэабілітацыі і райкама ГА «БРСМ» арганізавалі для наведвальнікаў аддзялення экскурсію па гістарычных месцах Прыдруцкага краю. У цэнтры ўвагі «вандроўнікаў» былі Заазерскія крыжы, Майская крыніца і любімае месца адпачынку бялынічан — Заазерскае возера. У якасці гіда выступіла настаўніца Эсьмонскага ВПК ДССШ Таццяна Шастак.
Людзі з абмежаванымі магчымасцямі з захапленнем знаёміліся са славутасцямі роднага краю, задавалі пытанні, фатаграфаваліся на памяць...
Не абышлося гэта значнае ў іх жыцці мерапрыемства і без адпачынку на свежым паветры, песень каля вогнішча і жараных бульбы з салам. Актывісты райкама ГА «БРСМ», у сваю чаргу, пачаставалі экскурсантаў салодкімі падарункамі.