Рэспубліканская прафілактычная акцыя “У цэнтры ўвагі – дзеці”, прымеркаваная да пачатку новага навучальнага года, стартавала сёння ў нашым раёне. Праводзіцца яна дзеля прыцягнення ўвагі грамадскасці да праблемы траўматызму і гібелі дзяцей па прычыне таго, што яны застаюцца без нагляду дарослых.
У рамках акцыі па 30 верасня на гандлёвых аб’ектах, школьных ярмарках супрацоўнікі РАНС арганізуюць шэраг тэматычных мерапрыемстваў. Акрамя таго, у дзень ведаў, 2 верасня, на школьных лінейках, класных гадзінах хлопчыкі і дзяўчынкі прымуць удзел у конкурсах і віктарынах, уроках бяспекі. Тэматычныя гутаркі пройдуць таксама і на бацькоўскіх сходах. Апроч таго, у дашкольных ўстановах раёна для самых маленькіх будуць арганізаваны тэатралізаваныя прадстаўленні і дэманстрацыя павучальных мультфільмаў.