Падведзены вынікі традыцыйнага агляду-конкурсу сярод устаноў адукацыі раёна на званне “Навучальная ўстанова ўзорнага парадку” за 2012-2013 навучальны год.
Пераможцамі конкурсу ў сваіх намінацыях сталі: сярод агульнаадукацыйных устаноў, якія забяспечваюць атрыманне агульнай сярэдняй адукацыі райцэнтра, – СШ №2, размешчаных у сельскай мясцовасці – Цяхцінскі комплекс дзіцячы сад-сярэдняя школа. Сярод дашкольных устаноў у адапаведных намінацыях перамаглі яслі-сад №3 райцэнтра і яслі-сад №9 аграгарадка Вішоў. Навучальнай установай узорнага парадку, якая забяспечвае атрыманне агульнай базавай адукацыі, прызнана Кудзінская базавая школа, у намінацыі “Іншыя ўстановы адукацыі” гэтага звання ўдастоены шматпрофільны цэнтр “Ветразь”.
Пераможцы і прызёры агляду-конкурсу атрымаюць заслужаныя ўзнагароды на раённай педагагічнай канферэнцыі, якая пройдзе 28 жніўня.