На працягу двух месяцаў на базе СШ №1 імя Пашкоўскага праходзілі спаборніцтвы першай раённай Лігі па міні-футболе сярод юнакоў 2001 года нараджэння. Арганізатарам яе выступіў аддзел адукацыі, спорту і турызму райвыканкама. 6 каманд з райцэнтра, аграгарадкоў Цяхцін, Вішоў і Свяцілавічы ў два кругі вызначалі мацнейшую каманду.
У выніку цікавай, напружанай барацьбы пераможца быў вызначаны толькі ў апошнім туры. Ім стала каманда “Юнацтва” г.п.Бялынічы, другой стала дружына “Ніка” з райцэнтра, на трэцюю прыступку п’едэсталу гонару ўзняліся футбалісты “Друці” з агарагарадка Цяхцін. Шматпрофільны цэнтр “Ветразь”, які займаўся арганізацыяй і правядзеннем дзіцячай лігі, уручыў прызы лепшым ігракам: Кірылу Елісееву, Андрэю Ігнатовічу, Сяргею Цапіку, Арцёму Асіпёнку, Ілью Капылову, Паўлу Лістападу і Рыгору Марушкіну.
    Падводзячы вынікі лігі, галоўны суддзя спаборніцтваў, загадчык спартыўны-тэхнічнага аддзела ШЦ “Ветразь” Сяргей Зайкоўскі адзначыў, што ўзровень падрыхтоўкі юных футбалістаў значна павысіўся. Дадзены турнір дазволіць сфарміраваць зборную для прадстаўлення раёна на абласных спаборнітцвах, што пройдуць вясной.