З 1 па 31 кастрычніка на тэрыторыі нашага раёна праходзіць абласная акцыя “Жыві бяспечна”. У яе рамках будуць абследаваны ўмовы пражывання дзяцей, якія знаходзяцца ў сацыяльна небяспечным стане, выхоўваюцца ў шматдзетных сем’ях. Супрацоўнікі РАУС правядуць прафілактычныя гутаркі з бацькамі аб недапушчэнні пакідання дзяцей без нагляду. Пры адсутнасці ў месцах пражывання дзяцей аўтаномных пажарных апавяшчальнікаў альбо іх няспраўнасці парушальнікі будуць прыцягнуты да адміністрацыйнай адказнасці.
Апроч таго, ва ўстановах адукацыі Бялыніччыны пройдуць кіналекторыі, “круглыя” сталы, выступленні спецыялістаў па дадзенай тэме.