Официальный сайт
Понедельник, 24 сентября 2018 года
Погода Белыничи
Информация сайта pogoda.by
Главная - Новости - Новости региона - Адукацыя на павышаным узроўні
11 сентября

Адукацыя на павышаным узроўні

Сённяшні імклівы час прадугледжвае хуткую рэакцыю на ўсе змены, якія адбываюцца ў грамадстве. Асабліва гэта датычыцца сферы адукацыі. Дзе, як не ў школе, вучні могуць атрымаць неабходныя веды для паспяховага старту ў самастойнае жыццё. Прычым такія, якія будуць адпавядаць самым сучасным патрабаванням.
Аб навацыях у адукацыйным працэсе ў школах нашага раёна распавяла ў прэс-цэнтры рэдакцыі газеты “Зара над Друццю” загадчык метадычнага кабінета аддзела па адукацыі райвыканкама Вольга ЛАПЦЕВА:
– Асаблівасці арганізацыі адукацыйнага працэсу пры рэалізацыі адукацыйных праграм агульнай сярэдняй адукацыі ў 2018/2019 навучальным годзе абумоўлены двума фактарамі: працягам паэтапнага пераходу на абноўленыя вучэбныя праграмы па ўсіх прадметах у 4 і 8 класах і забеспячэннем роўных умоў для атрымання агульнай сярэдняй адукацыі ва ўсіх сярэдніх школах.
– Якія школьныя прадметы будуць вывучацца паглыблена і ў якіх класах?
– У адпаведнасці з Указам Прэзідэнта Беларусі № 30 ад 25 студзеня 2018 г. “Аб прыёме ва ўстановы агульнай сярэдняй адукацыі і навучанні ў іх” і пастановы Міністэрства адукацыі Беларусі №10, у школах могуць быць створаны класы (групы) з вывучэннем асобных прадметаў на паглыбленым узроўні на ІІ і ІІІ ступенях агульнай сярэдняй адукацыі. З верасня бягучага года ў СШ № 2 райцэнтра будзе вывучацца на паглыбленым узроўні англійская мова ў 5 класе, матэматыка і руская мова – у 8 класе. У Вішоўскай СШ васьмікласнікі будуць больш часу аддаваць вывучэнню беларускай і рускай моў і матэматыкі.
– Як будзе арганізавана функцыянаванне профільных класаў?
– З мэтай арыентацыі на атрыманне педагагічных спецыяльнасцей у СШ    № 1 імя М. І. Пашкоўскага функцыянуюць два класы педагагічнай накіраванасці. Сёлета, дарэчы, двое вучняў з іх паступілі ў педагагічную ВНУ. Для прыцягнення школьнікаў да навучання па спецыяльнасцях сельскагаспадарчай накіраванасці сёлета на базе Вішоўскай СШ створаны аграклас. У ім будуць вывучацца профільныя прадметы на паглыбленым узроўні і дадаткова праходзіць факультатыўныя заняткі згодна вучэбнай праграмы “Уводзіны ў аграрныя прафесіі”.
– Якія яшчэ навацыі ўводзяцца для школьнікаў?
– Для вучняў 10-х класаў, якія вывучаюць школьныя прадметы на базавым узроўні, дададзены прадмет “Працоўнае навучанне” (раней яго вывучалі да 9-га класа ўключна). У рамках гэтага прадмета будзе рэалізоўвацца адукацыйная праграма прафесійнай падрыхтоўкі па рабочых спецыяльнасцях. Школьнікі нашага раёна будуць вывучаць азы прафесій швачкі і цесляра. Таксама з мэтай падрыхтоўкі да цэнтралізаванага тэсціравання для вучняў 10-х – 11-х класаў плануецца адкрыццё на базе СШ № 1 міжшкольнага факультатыва па рускай мове і матэматыцы.
Гутарыла
Святлана МАГІЛЕЎЧЫК.

­

Афиша и объявления

11 сентября
Во исполнение Указа Президента Республики Беларусь от 16 декабря 2013 г. № 563 «О некоторых вопросах правового регулирования жилищных отношений»,...
© 2007 Белыничский районный
исполнительный комитет
213051, г. Белыничи, ул. Советская, 29
+375 (2232) 78-7-22, +375 (2232) 78-7-22 (факс)
belynrik@tut.by
  Дизайн и разработка -
«Реактивные технологии»
Телефон «горячей линии» Белыничского исполкома

+375 (02232) 78-741

Понедельник – пятница с 8.00 до 17.00

Перерыв с 13.00 до 14.00

Режим работы Белыничского исполкома

213051 г. Белыничы, ул. Советская, 29

Понедельник – пятница с 8.00 до 17.00

Перерыв с 13.00 до 14.00