Спецыяльны марафон “#спасибомедикам” запусцілі ГА “БРСМ” і “Белпошта”
Выказаць словы падзякі ўрачам, фельчарам, санітарам і ўсім тым, хто зараз знаходзіцца на “перадавой” па недапушчэнні распаўсюджання каранавіруснай інфекцыі, можа кожны жадаючы. Для гэтага неабходна правільна ўпісаць у віншавальную паштоўку адрас медыцынскай установы, у якую накіроўваецца пасланне, абавязкова ўказаць хэштэг #спасибомедикам і, канечне, апусціць пажаданне ў паштовую скрыню.
Маркі і канверты не патрэбны, а сама паштоўка можа быць любога стылю і дызайну, нават самаробная. Супрацоўнікі пошты адсартуюць карэспандэнцыю і паставяць спецыяльны штэмпель.
Не застаўся ў баку ад марафону і райкам ГА “БРСМ”. Прыгожыя паштоўкі са шчырымі словамі ўдзячнасці медработнікам разасланы ў 18 устаноў аховы здароўя раёна.
– Такім чынам мы кажам нашым медыкам, што мы разам з імі, што мы іх падтрымліваем, – распавядае першы сакратар райкама ГА “БРСМ” Марына ШАБУСАВА. – Тым, хто сёння на “перадавой” абароны здароўя, будзе прыемна ведаць, што іх паважаюць, помняць і разумеюць важнасць і значымасць іх працы.
Вольга НАБОКАВА.Фота аўтара.
Поделиться: